Eskola Osasuna
Udalako Eskola Osasun Taldeak behean agertzen den egitaraua beteko du ikasturte honetan zehar. Honetarako asterartero goizez medikua egongo da eta astelehen eta ostegunero arratsaldez erizaina.
2009-10 IKASTURTERAKO ESKOLA-OSASUNAREN ZEREGINAK
1.- Lehen hezkuntzako 1. (gurasoekin) eta 5. mailan eta DBHko 2. mailan:
Garaiera eta pisuaren kontrola
Aho-hortzen azterketa
Ikusmen eta entzumenaren testa
Miaketa gernugenitala
Bizkarrezurraren azterketa
Beste batzuk
2.- 3 eta 4 urteko geletan ikusmen azterketa.
3.- Txertaketak:
DBH 1. maila ( hepatitis B 3 dosi )
DBH 4. maila ( "difteria" eta "tetano" )
4.- Eskola-osasunaren azterketan sumatu ondoezen jarraipena.
5.- Osasun arriskuan dauden umeenganako jarraipena: arazo psikiko, fisiko eta sozialak.
6.- Eskariz egindako kontsultak: ikasle, guraso eta ikastolako langileak.
7.- Instalazioen ikuskapen orokorra: gelak, komunak, aldagelak...
8.- Sukalde eta jantokien kontrola: janarien higienea eta ikuskapena.
9.- Gaixotasun kutsakorren aurka, aldez aurretiko neurriak eta beraien kontrola.
10.- Botikinen horniketa eta ikuskapena.
11.- Higiene posturalaren programa.
12.- DBH ikasleentzako programak:
Elikadura
Pubertaroa
Aho-hortzen higienea
Bihotz-birikien bereoneratzea
13.- Helduentzako programak: gurasoentzako eskola
14.- Irakasle eta ez-dozenteentzako programak:
Bihotz-birikien bereoneratzea
Premiazko laguntzak
Beste batzuk
ESKOLA OSASUNAK EMANDAKO AHOLKU DIETETIKOAK
- Ikastolan eguerdian umeek jandakoa ezagutuz gero, errazagoa izango zaizue gero etxean, jateko osagarriak prestatzea.
- Gosarian ezin da inola ere huts egin. Egunean zehar beharrezkoa izango dugun energia zein elikagai kopuruaren %25 ematen baitigu. Gosariak egokiena fruta, zerealak edo ogiak eta esne edo esnekiek eskaintzen dizkigute.
- Askaria unerik egokiena dugu esnekiren bat ( gazta, yogurra...), ogia eta fruituren bat hartzeko.
- Afaria ez da ugariegia izan behar. Bazkariaren egitura mantenduz baina kopuru txikiagoan. Afal ostean oheratzeko apur bat itxarotea komeni da.
- Erabat garrantzitsua da elikadura zabal eta aukera anitzekoa izatea ezen horrela elikagai batzuen gabezia ekidin baitaiteke.
- Azukre edo edozein gozorekin gehiegikerietan aritzea ez da komenigarria. Egokiagoa da esneki edo fruta jatea.
- Ogi integrala, zereal osoak, lekale, fruta eta barazkiak, bitaminak zein gatz mineralez gain fibra maila egokia ere eskainiko digute.
- Ezin zaie inola ere ume zein gazteei alkoholdun edaririk eman ezta kopuru txikietan ere.
- Askorik egin gabe dauden jakiek elikagai gutxiago galtzen dituzte. Saltsa eta frijitutako jatekoak gehiegizko neurrian ez hartu.
- Ariketa fisikoak eta elikadura egokiak garapen psikosomatiko egokia lortzen laguntzen dute.
- Osasunerako heziketa eta beste heziketa ihardunek sendi giroaren ahalegin positiboa behar dute, bi esparru helburu berarekin azken finean.